Einzelstück ki_0100 - Abschrift Schreiben Erzherzog Maximilian III.

3 Seiten aus einer Schublade in einem Kasten in der Sakristei der Riskapelle

Maximilian etc.Welchermassen abermalen Michael Eöggl Pfarrer ZueFlaurling, wegen deß strüttigen Zechenten Zu Ynczing(en)vnnd auf dem Ranggen, C o n t r a dem Prælatten ZueStambs, des heÿligen Geists Spittal Zu Yhnsprugg,Vnnd hannsen K(e)ögl Münz Regierer Zu Hall, khundtschafft Ein Zu Ziechen vor habens, Vnd vmb C o m m i s s i o n an dich S u p p l i c a n d o gehorsamblich gebetten, hastuhiebej verwahrt Zuuernemen, hierauf Habenwüer dich in Sachen Zu vnnserm Commissarj Ange-sechen, vnnd fürgenomen, Genedigclich Beuelchente,d(a)z du dich deren annembest, vnd Beladest, ainenVnuerwandten Verstendigen Beisas, In Crafftdies Zu dier Ziechest, vnnd auff ermelts Supplicanten oder seines volmechtigen gbalt, vndBeuelch Habers anrueffen, Alle die JenigenPersonen, so sÿ dir Namhafft machen werden,auf ainen Bestimbten tag für dich Erforderest,den gegenthaÿl dar Zue verkhindest, Volgentsmit den erforderten khundtschafft Personen vonvnnserent wegen verschaffest, das sÿ besagte(n)Supplicanten auf seinen anZug vnd des gegenthaüls gegen anZug, ob ainichen Ybergebe(n)wurden, angeregter sachen halber khundtschafft sagen vnd geben, Souil Yedem düß Orths,wahrs khundt vnnd wüssen, Vnnd IhmeSupplicanten dan solliche khundtschafften, vnddeinem, oder der Zeugen Insügl, wie sichs gbürth,veruertigter Zuestellest. Daß geben wier