Pièce A_XII_2 - Erzherzog Leopold bestätigt die Stiftung des Hanns Austrunk

Transkription - Quelle Regest: HS 32 - Chronologisches Verzeichniss der im Stamser Archiv vorfindlichen Pergament Urkunden (appensa) vom Jahre 1264 bis 1800

Erzherzog Leopold bestätigt die Stiftung des Hanns Austrunk in Flaurling. gegeb. zu Ensisheim am Samstag vor St. Verenentag. 1399.
Wir Leopold von Gots gnaden Hertzog ze Österreich ze Steyr ze Kernden und ze Krain Grave ze Tyrol zt
Tun kunt als unser getrewr Hanns Austrunk Burger ze Meran den erbern und geistlichen unsern lieben andechti
gen ~dem Abt und~ dem Convent ze Stams den Stokh und gütli ze phlaurlingen gefiget und geaignet hat
Also haben wir dasselb gemecht und aigenschaft durch des egenan(ten) Abts und des Convents fleissiger bett willen
bestett und bestetten auch Wissentlich was wir daran zerecht bestetten sullen oder mugen. In solicher mass daz
der egen(annte) Abt und das Convent bey dem vorgenan(nten) Stokh und gutli beleiben sullen nach lut und sag der Brief
So In der egen(annte) Hanns Austrunkh darum gegeben hat an meniklichs Irrung und Hindernuss ungevarlich
Mit Urkund ditz Briefs. Geben ze Ensisheim an Samstag vor Sand Verenen tag nach Christs geburd drew
zehen hundert Jar, darnach in dem Newn und Newntzegistem Jare