Partiellement 1 - Max I. fordert Erzkanzler Berthold auf

Maximilian von gots gnaden Römischer Kunig (etc)
1 Erwirdiger lieber Neve und Churfurst, und Edlen Ersamer gelerter lieben getreuen. Der Hochgebornn
2 unnser lieber Sun und Furst Erzherzog Philips, hat unns yezo, bey unnserm drugksazzen¹ und Jagermaister
3 in Flanndern, Melchiorn von Masmunster² , e[r]sucht und gepeten, seiner liebe wider anhaim in unnsere
4 Nyderlannd zuerlauben, und des durch anzeigen seiner Rate unpillich ursachen furnymbt aus ursachs/[en]
5 und bewegnuss der wir Euch in Ewr Zukunft berichten wellen. Demnach so schreiben wir hiemit dem
6 bemelten unnsern lieben Sun von stund an zu unns zukomen Und Emphelhen Euch daurauf mit
7 Ernnste, daz Ir Euch zu seiner liebe fueget, und nach uberanntwurtung des beruerten auch des hiebeyligends/[en]
8 unsers Credennzbrieve, von unnsern wegen mit den pesten fugen als Ir Zuthan wol wisst, an Ine begeret,
9 sich also furderlich zu unns zufuegen, und sein weg auf fuessen zu, daselbst der obbemelt Mas-munster sein
10 warten, und zu unns pringen wirdet, neme. Auch Ime weyter zuversteen gebet, daz wir sein lieb mitsambt
11 unns zu dem Herzogen von Maylannd fueren wellen. Damit die beruerten seine Rate etwas frombds folgen,
12 und Inen dadurch die zeit dester kurzer werde. Und was Euch hierynn von Ime fur ain anntwurt begegent

¹ der truchsesz bekleidete das vornehmste der alten germanischen Hofämter
² Ritter Melchior von Masmünster, kaiserlicher Rat und Hauptmann zu Wiener Neustadt