Einzelstück 5-S-1-01 - Streit wegen Archens am Inn - Innregulierung

Spruch wegen Archens am Inn 1474
Kundt vnd ze wissen Seÿ gethan Aller mänigklich mit disem offen brief wo der gehört oder fürbracht wirdet das sich Irrung vnd zwittracht gehalten haben zwischen der lewte zu flawrling an ainem den zu polling am anderen der auß der oberen vnd vnteren petnawer auch der von leibelfing an dem dritten tail Als von wegen des archens an dem wasser peÿ dem In daselben, derselben Irrung halben ain Credentz brief von meinen genadigen herren von östereich etc. Außgangen lauttendt auf den edlen vnd vesten Steffan Harder desselben meines genadigen Herren forstmaister vnd auf den vesten weÿsen Caspar frechen Auch desselben meines genädigen Herren Pfleger zu Sigmundspurg etc. dieselben sachen Irer Irrung halben zu besichten vnd zwischen den partheÿen allen machen das pest nach Irer Erkantnuß etc. dem selben meines genädigen Herren Credentz brief die bemelten Steffan Harder vnd Caspar frech nach kome vnd gangen sein Sich des auch willig vnd gehorsam beleÿst vnd sich da hin auf grundt vnd poden gefuegt die partheÿen all aigenlich gegen ein ander gehört vnd alle ding wesicht vnd beschaut Nach dem allem ain frewntlich messen vnd auß spruch gethan Innhalt meines genadigen Herren Credentz brief In mase wie hie nach volget Item am ersten haben sÿ die vorgemachten brief so zwischen der partheÿen allen auß gangen vnd gemacht sein vor hewt datum des briefs gesprochen das die noch hin fur auch peÿ kraft vnd macht weleiben sullen In allen stucken nicht auß genomen Allain hin dan gesetzt Am ersten nach dem vnd die von flawrling Innhalt des jungeren recht spruchs gearcht haben auf das Egk wie derselb recht spruch vnd brief Innhalt Sullen sÿ nun hin fur so verer vnd Ire xxtrist archen von derselben gemachten archen schnuer gerehen vber das grieß vnd awen daselben ab hin zaiget von der ÿetz gemachten archen In hattinger xxx vnd alß dann sollen die lewte von polling dar nach das wasser empfahen vnd schnuer gerichts fueren den giessen nach hin auß da dann ÿetz daß xxx gieß durch die aw hin ab flewsset zwischen pettnawer vnd pollinger durch die awen albeg nach streichenden werchen hin ab Dann zwischen pettnawer xxx Sollen dieselben des milawnners vnd pettnawer archen weleiben vnd nach noturft hin fur versorgt doch nit mit hin auß auf das wasser gemacht werden Innhalt der alten brief zwischen Ir auß gangen vntz auf den fuchss giessen vnd sol dasselbs alles peÿ kraft vnd macht weleiben wie In den selben brieffen begriffen ist Alß dann peÿ derselben archen So ÿetz auf dem fuchss giessen raicht Sollen der milawnner vnd seine mithaber hinter der selben archen ain arch machen vnd an faren auch hin für verarchen vnd versorgen vnd daselben auch streichende werch machen grad fur vnd fur ab vntz auf pollinger gepiet vnd gerechtigkait vnd ob sich dann das wasser daselben hin ein naigt vnd seinen fluß gewinnen wurde vnd sich dann auf aintbederen tail naÿgen wurde da durch dann der selb tail vermaint weschwart zesein Sol dann ain pfleger vnd Richter gagenburtig vnd kunftig die da zu mal das gericht hertenberg zuverbesen haben In denselben sachen mit sambt anderen vnuerbanten erberen lewten So sÿ zu In nemen sollen gewalt haben das wasser vnd all sachen zu besichten vnd alßdann erkenen wie derselb tail dem das wasser zugeuarlich gen wolt Auch der ander tail archen sullen nach dem vnd sich söliches wegeben wurde Aller vorgeschribnen sachen nach zekomen auch das alles alles stät vnd vest ze halten an alle weittere weigrung Auszug aufsatz wider red vnd geuarde haben die benenten partheÿen all mit guetem freÿem willen vnd wolbedachten muet an gelobt dem obbedachten Caspar frechen an stat meines genädigen herren doch altzeit alles vnd ÿegliches trewlich vnd vngeuarlich des zu vrkundt der warhait aller obgeschibnen sachen So geben wir obberurte Steffan Harder vnd caspar frech den obgemelten partheÿen ÿedem tail ainen brief In geleichem laut Mit vnnseren anhangenden Insigelen das wir an den offen brieff gehengt haben Beÿ dem anloben vnd aller vorgeschribnen sachen sein gewesen der fürsichtig vnd weÿse oswald tichter die zeit Richter zu hertenberg vnd die Erbern Connrad minnefeindt von Zirel Erhart Stadelwiser Jörg Knäbel paid von telfs vnd mer Erber lewt Geschehn nach Cristi vnnsers lieben Hern gepurd Als man zalt Tawsendt vierhundert vnd In dem vier vnd Sibentzigisten Jaren An vnnsers lieben frawen abend In der vasten.