Part S1 - Weisthümer aus der Mitte des 16. Jhd.

In gotes Namen Amen, Her Richter seit Ir gesessen das ir vnnser [H]offnung Verhörn welt Her Richter so offen wir ze Flaurlingen zum aller Ersten, Das ir zwaymall Im Jar sult reitten auf elich teiding vnd sult mit euch fuern Zwen Vorsprecher vnd ain Schreiber vnd ain schergen Also offen wir vnser gesuech Zwyschen Flaurlinger Vnd pollinger Zu lochen stet ain appfalter in der gassen Darin ist ain ramerschlag, Also get das gemerck von dem Appfalter auf in ain tall vnd get aus dem tal auf in ain mitteregk Huntz an den Zaun Also sullen Pollinger nicht ze schaffen haben enderhalben vnd wir endhalben, Mer offen wir auf ainen oberperg Da rint ain pach, der heist der Lönpach Da sullen die von Pollingen nicht hinderhalb ze schaffen haben vnd wir enthalben nicht, Huntz auf in das Joch ausgenomen das zwischen leit am mitteregk daselb sullen wir mit einander Niessen an geuard, Mer offen wir Herr Richter zwischen Vnnser Vnd Pollinger Harder Vnd Oxenpüchl stet ain marchstein der zaigt gericht vber das wasser vberhin Vnders Kelris tal In ain Ryß, Also sullent die Von Pollingen oberhalb Daselbs nicht haben ze schaffen Vnd wir Vnderhalb, Mer offen wir den Lengenberg heruber zu dem Dorff holtz Vnd waidt zwischen des Schrüpachs Vnd des Swartzentals Vnder des Platners Haws den perg gantz vnd gar als das Schneflüßl, herabwertz Rünet, Mer offen wir Herr Richter Das baid Platner mit vns nicht sullen zeschaffen haben weder mit Holtz noch mit Waidt noch mit kainer etzung, Auch offen wir das Peter In pettnaw zu Sandt Jörgen tag sol abtreiben von vich ab Vnsern awen ausgenomen das ziechant vich das mag er pey den Vnsern Gen lassen als lang das Vnser get Vnd nit lenger, Mer offen wir Herr Richter das wir mit Pettern sullen etzen die Scheiblin aw Von Sandt michels tag bis auf sandt Jörgen tag als das mit däting begriffen ist Vnd all ander Awen die wir mit einander etzen sullen als von alters her kommen ist Vnd darumb wir zu baiden taillen guet versigelt brieff haben, Mer offen wir das wir ausserhalb Vnnsers gemerck vnderhalb Schräbachs zu vnser notturft schlachen mügent mülfälgen, mülgrunt kesen sule oder lerchvirstsewle Welher mair der bedarf zu seiner Notturft der sol man Im nit weren vnd ob das wär das wir enndt wasser archen Woltendt so möchten wir zu den selben archen ent- Wassersholtz nemen wo wir wolen Vnguarlich, Darzu offen wir ain offen weg für des peters haws aufhin an den perg zu vnnser notturft, Wir offen auch zwischen Vnnser vnd des Platners Von der Platten gerechens Vber In den Käntzing Das er Vnderhalbs nicht ze schaffen, sol haben auf den vnsern In den awen weder mit Holtz noch mit Waidt Vnd wir oberhalb an den seinen auch nicht, Mer offen wir Herr Richter zwischen Vnser vnd Oberhofern also vom Käntzing vom Inn Huntz auf In mercktal Das die von Oberhoffen her deshalb nicht zuschaffen sullent haben weder mit holtz mit waid noch mit kainen andern besuech vnd mir des geleichen enhalben, Wir offen auch hin In perg da leit ein madt das haist der schön-turn, Das gehört in den obern Mayrhoff Stamser gueter Wann das die mairlewt nit geratten Wellentso sol man In das Hewen an ainen Zawn Das migent Sy nutzen Vnd nyssen zu aller Yr notturft, Mer offen wir Her Richter das Flaurlinger vnd oberhoffer die alb sullen mit einander nutzen vnd nisen als von alter hererkomen ist Vnd ausgenomen die nachpawrn von Flaurlingen die haben die Tayenrecht die selbe Tay besetzen Vnd entsetzen als mit alter gewonheit herkomen ist, Mer Herr Richter auff vnnsern Joch leit ein madt haist Wildeggk das gehört in den Vndern Mayrhoff Das mag er auch Nutzen oder mayen Zu seiner notturft, Mer offen wir Herr Richter gen Vnsern perglewtten das die selben sullen für Vnser Vich gut Zewn machen Tätten sy das nit ob dan daruber Vnser Vich Hinein giengent das sullen Sy vns guetlich heraustreiben Vnd sullent Vns nit phenden, Auch offen wir ain offen weg Sumer Vnd Winter durch das anichtfeld Vnd offen zwen gut gatter ainen oben vnd ainen vnden Herr Richter wer dafur fur vnd den gatter nit nach Im zu Tätt was schad an beschäch die must der selb bezallen der die gatter nit zu tät, Wir offen auch Herr Richter durchs Moslehen ain offen weg Summer Vnd Winter Vnd offen Zwen gut gatter, Auch offen wir durch perueler Veld (Perfaller?) ain offen Weg Sumer Vnnd Winter Vnd Vmbendumb daselbs gut gater als von alter her komen ist, Wir offen auch durch des Böndlis wyß ain Winter weg zu tryben zu faren von Sandt Michelstag bis auf Sandt Jörgen tag zu aller Vnser notturft, Auch offen wir durch Parueler Wyß auch ain winter weg vnd durch lechnerwyß auch ain winter weg, Mer offen wir Herr Richter gen Vnserm Kirchheren oder ainem pharer das der selb sol haben ainen pfar Vnd schweinbern zu der nachpawrn Vich notdurft

Wir offen Vns gen den Mullern das sy sullen haben das recht maß als mit alter her komen ist Vnd sullent Ir Rinen schoppenvnd machen das s< gantz Vnd gut sindt vnd sullend haben auf yder Rynnen eub guten rechen das davon dem pach kain schaden thun huettent vnd tätendt Sy das nit was schäden da beschäch welhemnachpawrn das wärn die schäden musten die Muler widerkern Aber offen wir Herr richter das der sag-maister wer der ist sol machen ain gut gabe prucken bey dem gatter vnd sol sein fuern dennachpawrn an allen schaden, Wir offen auch Herr Richter das das Platners gut sol den gatter machenVor dem lechenfeldt da selb gatter sol alzeit Sumer vnd Winter genng vnd geb sein das dar durchwysmaten kain schad beschech, Wir offen Herr Richter das vnser Hirth kainer vom Vich sol gen anmercklich notdurft wen Sy das vber fuerend wem dar vber schaden beschäch die schäden sullen Sy widerkeren, Wir offen auch das nymat kain Hirth gewyn an sein arbait von dem Vich wer das vber fuerwem die weil schaden beschäch Das müst der der den Hirtn gewune hiet ausfichten vnd bezallen, Meroffen wir Herr Richter Das am längs Nymant kain xxxbey zway phundt perner halbs dem Richter halbs den nachpawrn Auch offen wir xxxgut sol haben ainen gueten gengen gatter Sumer vnd Winter in das Kreutfeldt bey dem appfalterdaselbs als von alter herkomen ist, Auch melden vnd offen wir das all sellewt zu Flaurlingen vmb vnnsern lon vns vor mänigklich sullend arbaitten vngeuarlich, Herr Richter all vnrechtweg sundt verpotten bey zway phundt perner alls e Herr Richter wer dem andern ain ram abschnitt derwär verfallen bey zway phundt perner alls e oder wer der wär der dem andern ain Zawn hintrug derwär der selben pues verfallen als e Herr Richter der Bach sol von dem obern Tum bys an den Vndernsaler beleyben stätes vnd sol darzu kainerlay vnseubrung nyemant thun zu kine Weg bey funf phundtenMer offen wir Herr Richter das vns oberhoffer den Mulbach albeg in das dorff gen lassen sullen Endt aus-genomen von Sandt Gedrautten tag hintz auf Sand Bangrätzentag So mugent Sy nemen halbenmulbach all Sambstag vnd der pach sol am Suntag wider rubigklich in das Dorff gen, Lieber HerrRichter bey der Offnung Pitten wir das Ir vns schirmbt vnd haltend als von alter herr ist kume Vnndall recht vergessen vnd nit geschriben wär an den brief das vns das unschedlich sey vnd das wir vnd vnnser Nachkomen dasselb alzeit mit dem Mundt wol mugent meldem vnd offen an all Irsal Yrung vndwidrung von mänigklich, Mer Herr Richter als von alter her verpotten ist gewessen das nymandt kain harr sol derren auf den öffen verpotten bey funff phundt perner halbs dem Richter halbs den nachpawrn