Item A_V_3 - Urteilsspruch Mühle

Urtheilspruch wegen der Mühle (in Flaurling). Peter Schmid und Ruprecht sein Eidam sollen innerhalb eine Jahres die Mühle aufrichten, sonst fällt sie dem Gotteshaus zu. dat am St. Johannestag um Sonnwenden. 1395.
1 Chunt sey gtan allen den die disen prieff an sehent od[er] hörent lesen, daz ich Rüf vo[n] Intzingen zü den zeÿten
2 Richter ze hertenwerg ze Cleichtaÿding ze fflaw[e]rling[e]n in dem Rechten sazz mit vollem gwalt an meins
3 genädig[e]n H[er]n stat vögt velreichs von Mätsch dez jungen graffen ze Chirchperg da chäm für mich mit vorspre
4 chen d[er] gaystleich H[e]r H[e]r Hainreich d[er] Slozzperger zü den zeÿten obrister Cheller ze Stams vnd chlägt hüntz
5 Pet[er]n Smÿd vn[d] huntz Rüprecht[e]n seÿnem aydem vmb aÿn mülslag der dem gotschaws öde läge vnd den
6 sÿ vo[n] Recht mach[e]n vn[d] füre[n] sollt[e]n daz ir maÿr dar auff gemälen mahten vn[d] dar zü chlagt er gen in vo[n]
7 ffümff iären versezz[e]n zins wol vmb ffümfzig ster Chorens halbes Rokk vn[d] halbes gerst den sy im nit
8 geb[e]n häten vo[n] d[er] Müle vn[d] pät gerichtes gen in paÿden dar vmb da sprach ich obgenant[er] Rüff vo[n] gerichtes
9 weg[e]n Pet[er]n Smyd vn[d] seyne[n] aydem zü daz sÿ antwurt[e]n dem gaÿstleich[e]m H[er]n vmb dero an Chlage dar
10 vmb er sÿ anspräche da stunden sy paÿde vn[d] waren im paÿde an laew gen sein[er] versezz[e]n zinse vo[n] den
11 ffumff jare[n] von dem mülslag vn[d] auch daz d[er] öde läge vn[d] vielen den erb[er]n gaistleich[e}n H[er]n in mit erb[e]n law-
12 ten vnd paten in daz er in aÿn frist dar zü gäbe so wolt[e]n sy den obgenanten mülslag vn[d] v[er]tige[n] vn[d] mach[e]n
13 daz d[er] fürpaz albeg gyange vn[d] müle da gab in d[er] obgen [ante] gaistleich H[e]r aÿn frist Pet[er]n Smÿd vn[d] Rüprecht[e]n
14 seine[n] aÿdem paÿden vnu[er]schidenleich daz sy den mulsag mach[e]n solten vo[n] neu Sand Bartlomenstag d[er] schye-
15 rist chumpt od[er] aÿn jar vn[d] dar vmb lyaz er in die v[er]sessen zinse ab vo[n] den ffumff yaren wol ffumfzig
16 ster chorens halbes Rokk vn[d] halbes gerst daz sy im schuldig pelÿben machten sy awer dero obge[nante]n müle
17 nicht in dem jar als obgeschrib[e]n stet so mächt sych daz obge[enant] gotschaws ze Stams dez obge[nante]n mulslages vnder
18 winden vo[n] Pet[er]n smyd und Ruprecht[e]n seine[n] aydem vn[d] vo[n] all[e]n iren erb[e]n vngeenget vn[d] ungeirret vn[d] mächt
19 dann furpaz da mit tuen vn[d] lazz[e]n als mit and[er]n seinen aygen gute[er]n vn[d] sol danne Pet[er] vn[d] Ruprecht vn[d] alleyr
20 erb[e]n dem obge[nante] n gotschaws dar zu geb[e]n die v[er]sess[e]n zinse vo[n] den ffumf iaren als obgeschrib[e]n stet vn[d] d[er] obge[nante]n taÿ
21 ding als ez d[er] gaÿstleich H[e]r vor dem Rechten pehapt hat gib ich Rüf vo[n] gerichtes weg[e]n im disen off[e]n p[r]eff
22 v[er]sigelt[e]n mit meine[n] anhangende[n] Insigel mir an Schad[e]n dez sint gezeig[e]n Fritz Säm[er] Hans chirchmaÿr
23 paÿde ab de[m] Rankk[e]n Rüdig[er] Karge Nikla wilham Chuntz Nunfemt paÿde vo[n] o-be[r]hof[e]n Hans greÿff
24 Haintz Scherge vo[n] polling[e]n vn[d] dar zue d[er] gantz dinchstul da ze fflaw[e]rlingen daz ist gescheh[e]n nah christes gepurt
25 drewzeh[e]n hundert iar vn[d] dar nah in de[n] ffumff vn[d] Nawenezigist[e]n jar an Sand Johanstag ze Sünebe[n]d[e]n