Teil 1 - Verkaufbrief Peter Mylawner

1 Ich Peter Mylawner¹ gesezzen in der Petnaw² in Hertemberger Gericht und diezeit Richter desselben Gerichts bekenn offenleich mit dem Briefe fur mich und fur
2 all mein Erben daz Ich mit gutem willen und wolbedachem mut durchslechts Recht und Redleich nach chauffe und nach dem landsrechten der Grafschaft
3 ze Tirol verchaufft und hingegeben han dem erbern und weysen Hannsen Ratvelder Burger ze Insprugk und die zeit Oberphleger und verweser des Heiligen
4 Geystes Kirchen und des Spitals daselbs und allen seinen nachkomen gegenwurtigen und kunftigen Oberphlegern an desselben Spitals stat Benantleich
5 zwaintzig phunt pern(er) jarigs und ewigs gelts aus dem Hofe gelegen ob flawrlingen an dem perg und ist genant der Hof zu dem Re(a)men³ und den zu
6 disen zeiten pawen und innhaben Hanns Genewein und Hanns Eberly Weohen Sun und die benan(te) zwaintzig phunt pern(er) järlich davon zinsen
7 und dienen vorbehalten mir oder meinen erben dieweysat so auch aus dem benan(ten) Hofe gevallen und ist derselb benant Hof Rechts aygen zubehalten
8 der herschaft Kuplfueter in den Kasten auf Hertemberg und also han Ich im als ainem Oberphleg(er) an des obgenan(ten) Spitals stat die obgenanten zwaintzig
9 Phunt Perner jarigs und ewigs gelts aus dem obgenan(ten) Hofe geben für ainen aygen ledigen unbechumberten urbargelt und Zinß vor aller Erbschaft
10 vor allen gebern und vor menikleich umb funftzig markch zalpern(er) guter und genger meran(er) müns der mich darumb und dafür wolbe-
11 nügt hat und mich der von im als von ainem Oberphleg(er) an des benan(ten) Spitals stat geintzleich bezalt und gewert Ruffe zu Rechter an schaden
12 auch han Ich den obgenan(ten) urbargelt und zinß aus dem obgen(annten) Hofe mit dem Briefe genomen aus mein und aller meiner erben gewalt nutz und
13 gewer und haben den ledigklich geben und geantwurt indes obgenan(ten) Spitals und aller sein(er) verweser gewalt nutz und gewer und mit allen den
14 eren Rechten nutzen aygenschefften die dazu gehörnt oder davon chomen mugent besucht und unbesucht allß daz das obgenant Spital und all
15 sein nachkomen und verweser an seiner stat den obgenan(ten) järigen und ewigen urbargelt und zinß aus dem obgen(anten) Hofe mit aller sein(er) vorgenan(ten)
16 Zugehorung nun furbazz järigkleich und ewigkleich ye zu Sannd Gallen tag als zinsesdienstes und zinßherren Recht ist nach dem landsrechten
17 der Grafschafft ze Tirol unverschidenleich daraus und davon zu nemen Innhaben nutzen und nyessen und damit tun und schaffen als in nutz und
18 fugleich ist und als mit ander desselben Spitals aygen hab und gut von mir obgenan(ten) verchauffer und allen meinen erben und von menikl(eich)
19 von unse(r) wegen daran ungeengt und ungeirrt weder mit worten noch werchen weder mit Geystleichem noch weltleichem Rechten noch
20 mit alsainen Sachen ewigkleich und dennach sullen und wellen Ich obgenanter verchauffer und all mein Erben des obgenan(ten) Spitals und all(er)
21 sein(er) nachkomen und verweser an sein(er) stat umb den obgeschriben jarigen und ewigen urbargelt und zinß zwaintzig phunt pern(er) aus
22 dem obgenan(ten) Hofe und aus allen seinen Rechten und Zugehörungen besucht und unbesucht Ewigkleich ire Recht geworn sein vertreter
23 und versprecher gegen menikleich als umb solhen verchauffen urbargelt und zinß gewerschafft Recht ist nach dem obgeschrieben lannds-
24 rechten vor Geystleichen und vor weltloichen Rechten und an allerstat wo in derselb urbargelt und zinß auf dem obgenan(ten) Hofe von
25 unse(r) wegen zu karg getan wurde oder ob in an der gewerschafft Icht abgieng da sullen und well ich oder mein erben dem benan(ten) Spital und
26 allen seinen verwese(rn) an seiner stat in das auftragen und unvertzogenlich Richtig und Rechtvertig machen an allen desselben Spitals und aller
27 seiner verweser schaden getrewlich und ungevarlich Säten Ich oder mein erben des nicht näm(en) des dann dasselb Spital al(so) sein v(er)weser kain(er)lay
28 scheden mit Recht oder an Recht Geistlich oder weltlich wie der Schad genant ist khain Schad nicht ausgenomen dieselben Schaden mitsambt dem
29 obgenan(ten) hauptgut die sullen und wellen ich od(er) mein erben dem selben Spital und allen seinen v(er)wesern in die abtun und widerkeren gentzlich
30 und unv(er)tzogenlich allzeit ir ains slechten worten darumb zugelauben an jede und an all ander weysung und sullent hauptgutgewerschafft
31 und Scheden haben hintz ime allen meinen Erben und hintz aller unser Hab liegender varnder unvarender gagenburtig(er) und kunflich wo die
32 gelegen oder wie die genant ist kaine nicht aufgenomen und des zu urkund der warhait so hab ich obgenanter peter milawner fur mich
33 und all meine Erben mein aygen insigl an diesen offen chauffbrief gehengt der Geben ist nach Krists gepurdt im viertzehenhundertsten und in ... (letzte Zeile verdeckt)

¹ Mylawner = Mellauner;
² Petnaw = Pettnau;
³ Re(a)men = Ram, Hof und heute Weiler am Flaurlinger Berg